"Ньюкасл" ўз етакчисини таркибда сақлаб қолиш йўлини топди

"Ньюкасл" англиялик ҳужумчи Энтони Гордон билан амалдаги шартномани узайтирмоқчи. Daily Mirror нашри хабарига кўра, "қарғалар" шу йўл билан етакчи футболчисини Англия Премьер-лигасининг топ-клублари қизиқишларидан ҳимоя қилмоқчи.

Манбага кўра, "Ньюкасл" Гордонни жамоанинг энг кўп маош олувчи футболчисига айлантиришга тайёр. Раҳбарият шу орқали 23 ёшли ҳужумчига мотивация бермоқчи.

Эслатиб ўтамиз, Гордон “Ньюкасл” сафига 2023 йилнинг январида “Эвертон”дан 60 миллион евро эвазига кўчиб ўтган эди. У ўтган мавсумда Англия Премьер-лигасида 11 та гол урди ва 10 та голли узатмани амалга оширди.