“Ньюкасл” юлдузли таркиб тузяпти

“Ньюкасл” таркибига қимматбаҳо футболчиларни жамлашни режалаштиряпти. Улар қишда “Эвертон” тўпурари Доминик Кэлверт-Льюинни ўз таркибига қўшиб олмоқчи.

Клубнинг янги хўжайинлари 24 ёшли англиялик футболчи жамоа ҳужумини сезиларли даражада кучайтиришига ишонмоқда.

Гарчи, Доминикка “Реал” ва “Арсенал”дан қизиқиш борлигига қарамай, “Ньюкасл” яхши тўлов эвазига уни ўзига оғдирмоқчи.

Айни пайтда футболчининг “Эвертон” билан шартномаси бор ва у 2025 йилнинг ярмигача амал қилади. “Ньюкасл” эса 60 миллион евро эвазига ливерпулликларни ҳужумчини сотишга кўндирмоқчи бўляпти.