Оярсабаль ЖЧ-2026нинг энг яхши ҳужумчисини айтди
Испания терма жамоаси ҳужумчиси Микель Оярсабаль 2026 йилги жаҳон чемпионатида энг яхши ҳужумчи деб кимни билашини айтди.
«Мен Лионель Мессини тўғридан-тўғри ҳужумчи деб айтмасдим, чунки у футболнинг ўзига хос моҳиятини ифодалайди. Лекин барибир танловим Месси бўлади», — дея Оярсабаль сўзларини COPE келтиради.
Ҳозирги пайтда Аргентина терма жамоаси етакчиси Лионель Месси жаҳон чемпионатида энг самарали ўйинчи ҳисобланмоқда. 39 ёшли форвард тўрт учрашувда етти марта рақиб дарвозасини ишғол этган. Микель Оярсабаль эса мусобақанинг тўпурарлар рўйхатида бешинчи ўринни эгаллаб турибди. Испаниялик ҳужумчи тўрт ўйинда тўртта гол уришга муваффақ бўлган.
Фикрлар