Обамеянг Артетага ҳам ишонмаяпти

Лондоннинг "Арсенал" клуби форварди Пьер-Эмерик Обамеянг имкон қадар тезроқ жамоадан кетмоқчи.

Daily Mail нашри тарқатган хабарга кўра 30 ёшли габонлик футболчи хатто Микель Артета бош мураббий лавозимига тайинланган тақдирда ҳам “канонирлар” инқироздан чиқиб кетишига ишонмаяпти ва шу боис давралар оралиғидаёқ бошқа жамоага кетмоқчи.

Обамеянгга айни дамда "Реал", "Барселона" ва "Интер" клубларидан жиддий қизиқиш бор.

Маълумот учун, Обамеянг жорий мавсум “Арсенал” сафида 21 та ўйинда майдонга тушди ва 13 та гол ҳамда 1 та голли узатма ёздириб қўйишга эришди. Унинг трансфер нархи эса 70 млн еврога баҳоланмоқда.