Обамеянгни жағини синдиришди. Энди у футбол ўйнолмайди

Яқинда “Барселона” ҳужумчиси Пьер-Эмерик Обамеянгнинг уйига босқинчилар кириб, футболчини дўппослагани ва қимматбаҳо буюмларни олиб чиқиб кетгани ҳақида маълумот тарқатилган эди.

The Athletic нашри журналистларининг аниқлашича, босқинчилардан калтак еган Обамеянгни жағи синган. Футболчи жароҳатини операция қилишдиришга мажбур бўлиши мумкин. У бир неча ой мобайнида футбол ўйнай олмаслиги айтилмоқда.

33 ёшли тўпурарнинг ҳозирги аҳволига қарамасдан “Челси” уни ўз сафига қўшиб олишга уринмоқда.

Каталонияликлар ёзги трансферлар вақтида габонлик футболчини сотиб юборишга ҳаракат қилаётган эди. Шундай бўлса-да, томонлар ҳали ўзаро келиша олгани йўқ.

Шу йилнинг январидан бери “Барселона” сафида 24 та учрашув ўтказган Обамеянг ўз ҳисобига 13 та гол ёздириб қўйган.