ОЧЛ. Бугун АГМК дербида майдонга тушади

Осиё Чемпионлар Лигаси 2-туридан ўрин олган учрашувларга старт берилди. Кеча Ўзбекистон Суперлигаси чемпиони "Пахтакор" жорий мавсум ОЧЛдаги иккинчи ўйинини ўтказди. Энди навбат яна бир клубимизга етиб келди.

Қитъа миқёсидаги энг нуфузли турнирда ўз дебютини нишонлаётган АГМК бугун яна Тожикистоннинг "Истиқлол" жамоасига қарши майдонга тушади. "Марказий Осиё дербиси" Тошкент вақти билан 23:59 да старт олиши режалаштирилган.

Маълумот учун, олмалиқликлар биринчи турдан ўрин олган беллашувни 2019 йилги чемпион "Ал-Ҳилол"га қарши ўтказган ва 2:2 ҳисобидаги жанговар дурангга имзо чеккан эди.