ОЧЛ. "Насаф" плей-оффга йўл олса, Саудия Арабистони гранди билан тўқнаш келиши мумкин

Осиё Чемпионлар лигаси ғарб минтақасида гуруҳ босқичи ниҳоясига етмоқда. Бугун охирги кун беллашувлари ўтказилади.

Унда юртимиз шарафини қитъа майдонларида муносиб ҳимоя қилаётган "Насаф" ҳаёт-мамот учрашувида "Ал-Веҳдат"га қарши майдонга тушади. Бердиев шогирдлари ушбу баҳсда очко олса, ёки йирик ҳисобда мағлуб бўлмаса, плей-оффга йўл олади.

"Аждарлар" 1/8 финал босқичида Саудия Арабистони гранди "Ал-Шабаб" ёки Эроннинг "Фулад" жамоасидан бири билан тўқнаш келиши мумкин. Беллашувлар 3-4 февраль кунлари бўлиб ўтади.

Вакилларимизга бугунги баҳсда омад ёр бўлишини тилаб қоламиз!