Одил Аҳмедов ва Роберто Карлосни мухлислар тан олмади

Махачқалъанинг “Анжи” клуби ўзининг ташкил топганига 29 йил тўлгани муносабати билан мухлислар ўртасида сўровнома ўтказиб, клуб тарихидаги энг яхши футболчилардан иборат рамзий терма жамоани тузиб чиқди.

Эътиборлиси, “Анжи” тарихидаги энг машҳур легионер - Роберто Карлосга ушбу таркибга киритилмади. Шунингдек, ҳамюртимиз Одил Аҳмедов ҳам мухлислар танловидан четда қолган.

Дарвозабон: Владимир Габулов;

Ҳимоячилар: Юрий Жирков, Кристофер Самба, Жоао Карлос, Андрей Ещенко;

Ярим ҳимоячилар: Лассана Диарра, Леонардо да Силва, Бернард Бериша, Виллиан;

Ҳужумчилар: Самуэль Это’О, Янник Боли.

Роберто Карлос “Анжи” сафида 2011-2012 йилларда тўп сурган. Одил Аҳмедов эса 2011-2014 йилларда махачқалъаликлар шарафини ҳимоя қилган.