Одилжон Асланов: "Яқин орада янгилик бўлиши керак"

Бокс бўйича катталар ўртасидаги Ўзбекистон чемпионати бўлиб ўтди. 80 килограмгача бўлган вазнда чемпионликни қўлга киритган Одилжон Аслонов SPORTS.uz сайти журналистининг саволларига жавоб берди.  

-Финал жанги ҳақида қандай фикрдасиз?

-Финалда тажрибали рақиб билан жанг олиб бордим. У билан аввал ҳам тўқнаш келганман. Унга қарши яхши тайёргарлик қилиб юргандим. Жаҳон чемпионатидаги хатоларимдан сўнг мураббийларим билан тайёргарликни кучайтирдим. Худо хоҳласа, кейинги катта мусобақаларда ижобий натижага эришамиз.

-Адашмасам, биринчи раундни ҳакамлар рақибингизга берди. Шу натижани эшитдингиз-ми?

-Натижани эшитмадим, аммо ўзим буни мураббийларимнинг кўрсатмаларидан келиб чиқиб сездим.

-Финалга қадар босиб ўтган йўлингизда қайси рақибингиз кучли қаршилик кўрсатди?

-Аниқ биттасини айта олмайман. Ҳаммаси кучли эди. Сабаби, бу Ўзбекистон чемпионати ва бу ерда оддий рақиб бўлмайди.

Профессионал боксдаги фаолиятингиз ҳақида нима дея оласиз?

-Худо хоҳласа, яқин орада янгилик бўлиши керак. Шундай бўлган тақдирда хабар берамиз.