Одилжон Ҳамробеков: Чемпион бўлганимизда ишқибозларимизнинг хурсандчилигидан маза қилдик. Яна шуни уддалашга интиламиз

Хабарингиз бор, “Пахтакор” ва АГМК жамоалари ўртасида Ўзбекистон кубоги финал учрашуви бўлиб ўтади. Финал олдидан ҳар иккала жамоа мураббийлари ва футболчилари иштирокида матбуот анжумани бўлиб ўтди.

Унда "шерлар" ярим ҳимоячиси Одилжон Ҳамробеков қуйидаги фикрларни билдириб ўтди:

- Финални мухлислар сингари биз ҳам кутяпмиз. Эртага мухлислардан стадионга келишни сўраб қоламан. Биз чиройли футбол намойиш қилишга интиламиз.

2015 йил Ўзбекистон Кубогини "Насаф"да Эркин Бойдуллаев билан бирга қўлга киритгансиз. Эртага унга қарши ўйнайсиз. Бунга қандай фикр билдирасиз?

- Ёшлигимиздан бизга кўп нарсаларни ўргатган. Аммо эртага биз рақибмиз. Ҳакам ҳуштаги чалиниши билан рақибларга айланамиз. Ўйингача ва ўйиндан кейин ака-укалик давом этади.

"Пахтакор" эртага Ўзбекистон Кубогини қўлга киритадими?

- Чемпион бўлганимизда ишқибозларимизнинг хурсандчилигидан маза қилдик. Эртага ҳам шуни уддалашга интиламиз.