ЎФА юртимизда илк бор ўтказиладиган футзал бўйича жаҳон чемпионатига қизғин тайёрланмоқда

2024 йил юртимиз ФИФА миқёсидаги йирик турнир — футзал бўйича жаҳон чемпионатига мезбонлик қилишидан хабарингиз бор. Ўзбекистон футбол ассоциацияси мундиалга тайёргарлик кўриш йўлида мавжуд инфратузилмаларни халқаро стандартларга етказиш бўйича ҳам иш олиб бормоқда.

ЎФА раҳбарияти футзал майдонлари қопламасини ишлаб чиқарувчи “Мондо” компанияси вакиллари билан учрашди. Суҳбат давомида олдимизда турган жаҳон чемпионатига қадар футзал майдонларини ФИФА талабларига мослаштириш, бир неча йиллаб сифатли хизмат қиладиган қопламаларни ўрнатиш бўйича фикр алмашилди.

Маълумот ўрнида, “Мондо” ФИФА лицензиясини қўлга киритган кам сонли компаниялардан бири ҳисобланади. Ишлаб чиқарувчи айни кунга қадар бир нечта нуфузли мусобақалар олдидан футзал майдонларини тайёрлаш билан шуғулланиб келади.

ЎФА матбуот хизмати.