ОФК кубоги. "Сўғдиёна" "Хўжанд"ни ютса, ким билан ўйнайди?

Шиддатли ўтган гуруҳ босқичидан сўнг ОФК кубоги плей-офф босқичи учрашувлари ҳам бошланиш арафасида. 9 август куни ҳал қилувчи ўйинларга старт берилади.

12 жамоа 22 октябрь куни бўлиб ўтадиган финал йўлланмаси учун кураш олиб боради.

Плей-офф босқичининг илк ўйини Жануби-шарқий Осиё минтақасида Индонезиянинг ПСМ “Макассар“ клуби ва Малайзиянинг “Кедаҳ Дарул Аман“ жамоалари ўртасида бўлиб ўтади. Ушбу ўйин 9 август куни 22:00 да бўлиб ўтиши режалаштирилган.

Навбатдаги беллашувда Ветнамнинг “Веттел“ ва Малайзиянинг “Куала-Лумпур“ клублари ўзаро баҳс олиб боради. Мазкур ўйин 10 август соат 21:00 да бошланади. Бу учрашув ғолиби юқоридаги беллашув ғолибига қарши 24 август санасида навбатдаги босқичда рўбарў келади.

Марказий Осиё минтақасида Тожикистоннинг “Хўжанд“ клуби вакилларимиз “Сўғдиёна“га қарши майдонга тушади. Беллашув 17 август куни 18:30 да старт олади.

Ушбу ўйинда агар ҳамюртларимиз зафар қучса, Гонг-Конг клуби “Истрин Лонг Лайнз“ ва Ҳиндистоннинг “Моҳун Баган“ ўйини ғолиби билан беллашади.

Кейинги босқич 6 ва 7 сентябрь кунлари бўлиб ўтади.