Оксана Чусовитинадан яна бир финал!

Айни кунларда Хорватиянинг Осиек шаҳрида спорт гимнастикаси бўйича жаҳон кубогининг навбатдаги босқич беллашувлари бўлиб ўтмоқда. 

Қувонарлиси, аёллар ўртасида таяниб сакраш йўналишида ҳамюртимиз Оксана Чусовитина финал йўлланмасини қўлга киритди. Оксана саралаш беллашувида 14.184 балл жамғаришга муваффақ бўлди. Эртага ушбу йўналишда финал баҳслари бўлиб ўтади.