"Олимпик" "Бухоро" билан баҳсда ўйин тақдирини 1-бўлимдаёқ ҳал қилди

Бугун Тошкентда Суперлига ҳамда про лига клублари ўртасида ўртоқлик учрашуви ташкил этилди. Аниқроғи, элитага илк бор чиққан Тимур Кападзе бошчилигидаги “Олимпик” Ҳаким Фузайлов бошқараётган “Бухоро” жамоаси билан беллашди.

Ўйин тақдири биринчи бўлимдаёқ ҳал этилди. 27-дақиқада Муҳаммадазиз Иброҳимов, 40-дақиқада эса Руслан Жиянов томонидан киритилган голлар “Олимпик” жамоасига “Бухоро” устидан ғалаба келтирди.

“Олимпик”нинг бошланғич таркиби: Владимир Назаров, Абубакр Турдалиев, Шахзод Тоиров, Саидазамат Мирсаидов, Достон Турсунов, Хумоюн Шербўтаев, Муҳаммадазиз Иброҳимов, Фарруҳ Мухторов, Темур Мамасидиқов, Отабек Жўрақўзиев, Руслан Жиянов.

“Бухоро”нинг бошланғич таркиби: Никола Стошич, Ризван Аблитаров, Бобур Омонов, Жамолиддин Убайдуллаев, Бекзод Саидов, Сардор Иззатов, Собит Синдаров, Файзулла Жуманқўзиев, Рустам Абдуҳамидов, Шавкат Саломов, Фирдавс Асадов.