Olise "Real" bilan muloqot qilgan-qilmagani haqida javob berdi

"Bavariya" futbolchisi Maykl Olise bu yozda Madriddning "Real" jamoasiga o'tish masalasini ko'rib chiqish haqida myunxenliklar rahbariyatiga murojaat qilmagan. Jurnalist Florian Plettenberg xabariga ko'ra, 24 yoshli fransuz klubga o'zining ispan grandi vakillari bilan hech qanday muzokara o'tkazmagani va ular bilan aloqa qilmaganini ma'lum qilgan. Futbolchi to'liq e'tiborini "Bavariya" tarkibidagi o'yinlarga qaratgan va yaqin vaqt ichida jamoasini almashtirish niyati yo'q.

Avvalroq ommaviy axborot vositalarida "Real"ning ehtimoliy qiziqishi haqida xabarlar tarqalgan, madridliklar myunxenliklar yetakchilaridan biri transferi uchun taxminan 220 million yevro sarflashga tayyor ekani aytilgan edi. Biroq bu boradagi muzokaralar haqidagi ma'lumotlar rasmiy tasdiqlanmadi.

O'tgan mavsum Olise uchun karerasidagi eng yorqin yillardan biri sifatida qayd etilmoqda. Germaniya chempionatida fransuz 32 ta uchrashuvda maydonga tushib, 15 ta gol urdi va 19 ta golli uzatma amalga oshirdi.