Ўртоқлик учрашуви. "Пахтакор" U-21 жамоаси Қатар ёшларини мағлуб этди

Дохада йиғин ўтказаётган "Пахтакор" ёшлар жамоаси иккинчи назорат ўйинини ўтказди. Бу сафар ҳам Қатар U-20 терма жамоаси рақиб сифатида майдонга тушди.

2007–2009 йилларда таваллуд топган футболчилардан иборат Шуҳрат Бўриев шогирдлари беллашувда кичик ҳисобда зафар қучишди. Уйин тақдирини ҳал этган ягона тўп 30-дақиқада Асад Шуҳратов томонидан киритилди. Шу тариқа ёшларимиз Қатар термасидан устун келди. Ушбу йиғин 6 феврал куни якунланади.

Бу ҳақда клуб матбуот хизмати хабар берди.