Ўрунов Юсуповнинг сериясига нуқта қўйиши мумкин!

Бугун хорижда тўп тепадиган бир неча ўзбекистонлик футболчилар ўз клублари сафида ўйинларини ўтказади. 

Азиз Ғаниев ҳаракат қилаётган "Ал-Батех" БАА чемпионати 2-турида "Ал-Айн"ни қабул қилади. Беллашув 18:55да старт олади. 

Ушбу турда Ҳожимат Эркинов клуби - "Ал-Ваҳда" Абдулла Абдуллаевнинг собиқ жамоаси "Хор-Факкан" билан баҳс олиб боради. Бу баҳс ҳам 18:55да бошланади. 

Эрон чемпионати 3-турида эса мухлислар супер тўқнашувга гувоҳ бўлади. Ўтган мавсум чемпиони "Персеполис" ўз уйида "Фулад"ни қабул қилади. "Қизиллар"нинг чемпионлигига катта ҳиссасини қўшган Ўрунов янги мавсум Эронга келган Юсуповга қарши ўйнайди. Юсупов дастлабки икки ўйинда дарвозаси дахлсизлигини сақлиб қолди. 

Қарама-қаршилик 21:00да бошланиши белгиланган.