Осимхемга А Сериянинг гранд клубидан яна харидор чиқди

Таниқли инсайдер Жанлука Ди Марционинг хабар беришича, "Ювентус" учун "Наполи" ҳужумчиси Виктор Осимхен доимий равишда устувор мақсад бўлиб келган.

Маълумотларга кўра, туринликлар ўтган ҳафта охирида футболчининг вакиллари билан алоқаларни фаоллаштирган. Клуб раҳбарлари дастлаб Осимхеннинг ўзи билан келишувга эришишни, унинг маоши бўйича музокара олиб боришни режалаштирмоқда. Фақат шундан сўнггина улар неаполликлар билан расмий суҳбатларга киришади.

Турин клубидан ташқари, нигериялик ҳужумчига Англиянинг "Манчестер Юнайтед" ва "Арсенал" клублари, Саудиянинг эса "Ал-Ҳилол" жамоаси жиддий қизиқиш билдираётган эди. Шу билан бирга, "Наполи" "Ливерпуль" форварди Дарвин Нуньес билан алмашиш вариантини ҳам кўриб чиқаётгани ҳақида миш-миш хабарлар тарқалмоқда. 
 
Маълумот ўрнида, Виктор "Галатасарай" сафида умумий 41 та учрашувда иштирок этиб, 37 та гол ва 8 та голли узатмага муаллифлик қилди. Унинг Тransfermarkt порталидаги нархи эса 70 миллион евро деб баҳоланмоқда.