Осиёда 2022 йилнинг энг яхши футболчиси аниқланди. Шомуродов нечанчи ўринда?

"Тоттенхэм" ҳужумчиси Сон Хин Мин 2022 йилда Осиёнинг энг яхши футболчиси деб топилди.

Жанубий Корея терма жамоасининг 30 ёшли футболчиси сўровномада 256 балл тўплади ва кетма-кет 6-марта, умумий ҳисобда эса 8-бора бу совринга лойиқ, деб топилди.

Осиёлик футбол журналистлари ва экспертлари ўртасидаги овоз беришда 120 балл билан 2-ўринни "Порту" ва Эрон терма жамоаси ҳужумчиси Меҳди Тареми эгаллаган бўлса, кучли учликка Саудия Арабистони терма жамоаси ва "Ал-Ҳилол" ҳужумчиси Салим Аль-Досарий якун ясаб берди.

Ўзбекистон терма жамоаси ва Италиянинг "Специя" клубида фаолият юритаётган Элдор Шомуродов 14-ўринга лойиқ кўрилди.