Оскар Де Ла Хоя ёки Артуро Гатти? Элшод Расулов кимни кучли деб билади...

"Жанг" лойиҳаси давом этади. Бу сафарги ҳафта "қаҳрамон"лари профессионал бокс оламида том маънода донг таратган Оскар Де Ла Хоя ва Артуро Гатти бўлади. 

Улар орасидаги дастлабки танловни собиқ боксчимиз, Ўзбекистон қизлар терма жамоаси бош мураббийи Элшод Расулов амалга оширди. 

- Очиғи бу борадаги танлов мен учун қийин эмас. Чунки улар орасида менинг кумирим бор. Яъни Оскар Де Ла Хояга ҳавас қилганман. Унинг олдинги қўлда ишлаши, оёқ ҳаракатлари, реакцияси, координацияси ва ҳимояси менга жуда ёққан. Шунинг учун иккиланмай Де Ла Хояни танлайман.