Oston O‘runov nima sababdan "Ural" bilan shartnomasini bekor qilgani ma’lum

O‘zbekiston terma jamoasi yarim himoyachisi Oston O‘runov nima sababdan "Ural" bilan shartnomasini bekor qilgani ma’lum bo‘ldi.

"RB Sport" nashri xabariga ko‘ra, yarim himoyachi Ekaterinburg jamoasi ustozi Viktor Gancharenko bilan janjallashib qolgan. Murabbiy o‘zbekistonlik sportchini Rossiya kubogi doirasidagi "Sochi"ga qarshi bahsda zaxirada qoldirgan. Mutaxassisning bu qarori esa Ostonga yoqmagan. Shu bois O‘runov zaxira futbolchisi bo‘lishdan bosh tortdi va jamoani tark etdi.

Eslatib o‘tamiz, bir necha kun oldin yarim himoyachi "Ural" bilan shartnomani bekor qildi. Futbolchi klubning barcha musobaqalar doirasidagi 3 ta bellashuvda harakat qilgan. Oldinroq Oston "Ufa" va "Spartak" klublari sharafini ham himoya qilgan edi.