От изини той босолмади! Бекхэмнинг ўғли порламай туриб футболдан кетди

Англия футболи юлдузи Дэвид Бекхэмнинг ўғли Ромео профессионал футболчилик фаолиятини якунлашга қарор қилди.

22 ёшли ўйинчи “Брентфорд”ни тарк этиб, ўзини мода соҳасига бағишлайдиган бўлди.  Бу ҳақда The Sun нашри маълумот тарқатди.

Ромеога “Брентфорд” жуда ёқди, бироқ у ўзининг жиддий қизиқиши бўлган мода соҳасига бор эътиборини қаратишни маъқул кўрди, - дейилади The Sun нашри тарқатган хабарда.

Маълумотларга кўра, Ромео яқинда Париждаги нуфузли мода агенти билан шартнома имзолаган ва яқин келажакда мода оламидаги машҳур брендлар билан ҳамкорликни йўлга қўйишга ҳаракат қилмоқда.