Ўтган мавсум Хави сабабли "Барселона"дан кетиши мумкин бўлган футболчи номи айтилди

"Барселона" марказий ярим ҳимоячиси Педри ўтган мавсумда каталонияликларнинг собиқ бош мураббийи Хави билан келишмовчилик туфайли жамоани тарк этиши мумкин эди. Бу ҳақда испаниялик журналист Адриан Санчес маълум қилди.

Манба маълумотларига кўра, Педрининг яқинлари Хавининг мураббийлар штабидаги кимдир футболчини жамоадан кетишга ундаётганини сезишган.

Таъкидлаш жоизки, бу мавсумда ярим ҳимоячи бешта ўйинда иштирок этиб, икки марта рақиб дарвозасини ишғол қилишга эришди.