"Овьедо" мухлислари учун жазо қўлланиши мумкин

Ла Лиганинг 2-туридан ўрин олган учрашувда "Овьедо" ўз майдонида "Реал Мадрид"га 0:3 ҳисобида мағлуб бўлди. Ушбу ўйин давомида мезбон жамоа мухлислари Винисиус Жуниор ва Килиан Мбаппега нисбатан ҳақоратли ҳаракатлар содир этди.

"Кўтарилган шов-шувдан келиб чиқиб, шуни билдириб қўймоқчимизки, клубимиз ҳар қандай ирқчилик кўринишларига қарши. Биз бу ҳолатни клубнинг хавфсизлик хизмати ва полиция билан ҳамкорликда текширмоқдамиз.

Агар ушбу воқеага оид далилларни топсак, тегишли жазо чораларини қўллаймиз. Чунки бундай ҳолатга кўз юма олмаймиз", – деди "Реал Овьедо" президенти Мартин Пелаес.