Ўйиндан ҳайдалган Флик “Барса” ғалаба қозона олмагани сабабини айтди

Испания чемпионатида пешқадамлик қилаётган “Барселона” 16-турда “Бетис” меҳмони бўлиб, икки очко йўқотди.

Каталонияликлар икки марта ҳисобда олдинда борганига қарамай, рақиб билан очко бўлишишга мажбур бўлди. Учрашувда “Барса” бош мураббийи Ханс-Дитер Флик бош ҳакамга эътироз билдиргани боис қизил карточка олди.

Ўйиндан кейин германиялик мутахассис ўз фикр-мулоҳазаларини билдирди.

- Мен жамоам ўйинидан ҳам, ўзимдан ҳам умуман қониқмадим. Биз қулай вазиятларни қўлдан чиқардик. Биз яхши ўйнай олмадик. Бунақа камчиликларни йўқотишимиз керак.

Рақиб майдонида ўйнар эканмиз янада кучли ҳаракат қилиш лозим. Бизда сифат билан бирга бир талай камчиликлар ҳам бор.

Қизил карточка кўрсатилган вазиятдан жуда қаттиқ эътироз қилдим, деб ўйламайман. Керак бўлса, видеотакрорни кўриб чиқиш керак. Табиийки, қилмишимдан фахралана олмайман. Мен нимадир дедим ва ҳакам тўғридан-тўғри қизил карточка кўрсатди, - деди Ханс-Дитер Флик.