Ўзбек боксчисининг мураббийи Тайсон Фьюрини навбатдаги жангга тайёрлайди

Профессионал бокснинг супер оғир вазн тоифасида WBC чемпиони британиялик Тайсон Фьюри (30-0-1, 21 KO) америкалик Деонтей Уайлдер (42-1-1, 41 KO) билан иккинчи жанг аввалида ўз мураббийини алмаштирган ва Сугар Хилл Стюарт билан ишлай бошлаган эди.

Биз учун қизиқ жиҳати, ушбу мураббий қўл остида ҳамюртимиз Шоҳжаҳон Эргашев (18-0,16 КО) ҳам машғулот олиб боради. Маълумки, 19 декабрда АҚШнинг Лас-Вегас штати Тайсон Фьюри ва Деонтей Уайлдер ўртасидаги учинчи жангга мезбонлик қилади. Мазкур жангга ҳозирлик кўриш учун Фьюри Сугар Хилл Стюарт билан яна ҳамкорликни бошлади.

Сугар Хилл Стюарт британиялик боксчини ушбу муҳим жангга тайёрлаш учун унинг ўқув-машғулот баъзасига етиб борди.

Улар ўртасидаги биринчи жангда дуранг қайд этилган бўлса, иккинчи тўқнашувда “Лўлилар қироли” номи билан машҳур Фьюри ғалаба қозонган эди.

Шоҳжаҳон Эргашев ноябрь ойида қозоғистонлик енгилмас боксчига қарши жанг қилиши мумкин

Шоҳжаҳон Эргашевнинг рақиби маълум бўлди