Ўзбек шахматчиси АҚШда 103 йиллик турнир чемпионига айланди

Жорий йилнинг 14-18 ноябр кунлари АҚШнинг Нью-Йорк шаҳрида “Маршалл” шахмат клубида 103-Маршалл чемпионати ўтказилди.

“Маршалл” шахмат клуби 1915 йилда гроссмейстер Маршалл томонидан ташкил қилинган ва 1916 йилдан бери “Маршалл чемпионати” ўтказиб келинмоқда.

Бу йил ташкил қилинган турнирда, Ўзбекистон номидан Жўрабек Ҳамроқулов қатнашиб, Маршалл чемпионатининг 103-чемпионига айланди.

Маълумот учун, мазкур турнир  ҳар йили ўтказиб келинади ва бу йилги баҳсда 10 нафар шахматчи қатнашди. Унда спортчиларга  40 марта юриш учун 90 дақиқа ажратилиб,  ҳар бир юришга 30 секунд қўшимча вақт берилди.