Ўзбекистон кубоги. АГМК чорак финалда "Андижон" билан ўйнайди

Ўзбекистон кубоги нимчорак финалидан ўрин олган АГМК - "Металлург" ўйини якунига етди. Унда асосий вақт 1:1 ҳисобида якунланди. Қўшимча таймларда эса мезбонлар яна икки гол уриб, 3:1 ҳисобида ғалаба қозонди. 

Олмалиқ клуби сафида голларга Санжар Турсунов, Акром Комилов ва Миржаҳон Мираҳмадов муаллифлик қилди. Меҳмонларнинг голи Бектемир Абдуманнонов номига қайд этилди. 

Шу тариқа, АГМК қийинчилик билан чорак финал йўлланмасига эга чиқди. "Металлург" нимчорак финалда мусобақа билан хайрлашди.