Ўзбекистон Кубоги. "Андижон" - АГМК ҳозирча тенглик, аммо эртага...

3 сентябрь куни “Бобур Арена”да бўлиб ўтадиган Ўзбекистон Сoca-Cola Кубоги 1\4 финал доирасидаги “Андижон” ҳамда АГМК жамоалари иштирокидаги учрашувга оид қизиқарли маълумотларни эътиборингизга ҳавола қиламиз.

Иккала клуб Ўзбекистон Кубоги мусобақасида 4 марта майдонда тўқнаш келишган. Илк ўйин 2008 йилга тўғри келади. Ўшанда 1\8 финали эди. Дастлабки учрашувда АГМК 2:0 ҳисобида ғалаба қозонган. Жавоб баҳсида вакилларимиз ягона гол эвазига ғолиб чиқишган. Аммо икки ўйин натижасига кўра олмалиқликлар чорак финал йўлланмасини қўлга киритган.

Кейинги баҳс орадан 4 йил ўтиб, 2012 йилги мавсумда юз берди. Бу сафар ҳам жамоалар 1\8 финалда куч синашдилар. “Андижон” биринчи учрашувда 3:1 натижаси билан устун келди. Жавоб ўйинида жамоамиз 1:2 ҳисобида ютқазган бўлса ҳам ўзаро ўйинлар натижасига кўра, чорак финал йўлланмасини қўлга киритган.

2008 йил

1\8 финал

АГМК – “Андижон” – 2:0

“Андижон” – АГМК - 1:0

2012 йил

1\8 финал

“Андижон” –“Олмалиқ” – 3:1

“Олмалиқ” – “Андижон” - 2:1

Олдин хабар берганимиздек, “Андижон” 9 марта 1\4 финалда ўйнаган. АГМК эса 2018 йили Ўзбекистон Кубогини қўлга киритган. Финалда “Пахтакор” 3:1 ҳисобида таслим этилган.

“Андижон” матбуот хизмати.