O‘zbekiston Kubogi finali: "Paxtakor" o‘tgan yilgi mag‘lubiyat uchun AGMKdan qasos ola biladimi?

"Paxtakor" 26 oktyabr kuni o‘z tarixida 15-bor O‘zbekiston Kubogi finalida maydonga tushadi. 

Hozirga qadar O‘zbekiston Kubogida "Paxtakor" 14 marta finallarda ishtirok etgan. Finallarning 11tasida "sherlar" muvaffaqiyatga erishishgan. Hal qiluvchi bahslarda atigi uch bor "Paxtakor" mag‘lubiyatga uchrashgan. 1993, 1997, 2001, 2002, 2003, 2004, 2005, 2006, 2007, 2009 va 2011 yillarda "Paxtakor" O‘zbekiston Kubogi sohibiga aylangan.

Oxirgi marta "Paxtakor" O‘zbekiston Kubogida g‘olib bo‘lgan mavsumda finalda "Nasaf"dan 3:1 hisobida ustun kelgan.

O‘tgan yilgi finalda ham ushbu jamoalar to‘qnash kelib, unda omad AGMKga kulib boqqandi. Bu safar "Sherlar" o‘sha mag‘lubiyat uchun qasos olib, oltin dublga erishishga intilishadi.

"Paxtakor"ning finalgacha bosib o‘tgan yo‘li:

1/8 final
"PAXTAKOR" - "Yashnobod" - 5:0
Gollar: Cheran 3-pen, Hamdamov 67, Sobirxo‘jaev 70, Masharipov 74, Mahmudhojiev 78.

Chorak final
"PAXTAKOR" - "Surxon" - 2:0
Gollar: Sergeev 21, 89.

Yarim final
"PAXTAKOR" - "Nasaf" - 2:1
Gollar: Cheran 33, Masharipov 39 - Abduxoliqov 21.

AGMKning finalgacha bosib o‘tgan yo‘li:

1/8 final
AGMK - "Mash’al" - 1:0
Gollar: Polvonov 109.

Chorak final
"Oqtepa" - AGMK - 3:4
Gollar: Purishkin 47, 49, 86 - Jo‘raev 22, Grigalashvili 41, 43, 53.

Yarim final
AGMK - "Bunyodkor" - 3:1
Gollar: Nurmatov 8, Grigalashvili 50, Rahmonov 85 - To‘xtasinov 58.

"Paxtakor" va AGMK jamoalari o‘rtasidagi final o‘yini 26 oktyabr kuni Toshkentdagi "Lokomotiv" stadionida soat 17:00da boshlanadi.