Ўзбекистон Кубоги гуруҳ босқичига йўл олган охирги жамоа номи маълум бўлди

Тошкентдаги "Чиғатой" стадионида Ўзбекистон Кубоги 3-саралашининг иккинчи ўйини бўлиб ўтди. Унда "Андижон 2" "Юниред" билан куч синашди.

Беллашувда водий жамоаси вакили Азиз Усмонов 29-дақиқада урган гол ягоналигича сақланиб қолинди. Ушбу гол "Андижон 2"га ғалаба тақдим этди. Ўз навбатида "Униред" аъзоси Асомиддин Маматов 43-дақиқада қизил карточка олганди.

Мазкур муваффақият "Андижон 2"га гуруҳ босқичи чиптасини тақдим этди. Жамоа "F" гуруҳига йўл олди. Бу гуруҳда "Турон", "Шўртан" ва "Олимпик" жамоалари жойлашганди.