O‘zbekiston kubogi. "So‘g‘diyona" javobsiz 5 ta gol urib, pley-offga yo‘l oldi

O‘zbekiston Kubogi 3-turidan o‘rin olgan "So‘g‘diyona" - "Yangier" bahsi yakuniga etdi. Ushbu o‘yinda mezbonlar yirik 5:0 hisobida g‘alaba qozondi.

Jizzaxliklar safida gollarga Shaxboz Jo‘rabekov (dubl), Jasur Xasanov, Iskandar Shaykulov va Marko Kolakovich mualliflik qildi. Mehmonlar gol urishga muvaffaq bo‘lmadi.

Ushbu natijadan so‘ng "So‘g‘diyona" 7 ochko to‘pladi va guruhdan 1-o‘rin bilan keyingi bosqichga yo‘l oldi. "Yangier" 3 ochko bilan guruhda qolib ketdi.