Ўзбекистон кубогининг 1/8 финал босқичига қачон қуръа ташланиши маълум

Ўзбекистон кубоги гуруҳ босқичи якунларига кўра 14 та жамоа 1/8 финал босқичи учун чиптани қўлга киритганди. Улар қаторига мазкур босқичдан эътиборан АГМК ва “Пахтакор” клублари ҳам қўшилади. 

1/8 финалга қуръа 7 июнь куни ташланади. Шу куни Ўзбекистон миллий терма жамоаси "ЖЧ-2022" саралаши доирасида Сингапурга қарши майдонга чиқади. Шундан келиб чиқиб, қуръа кечки эфирда Спорт-ТВ томонидан жонли эфирда намойиш этилади. Бу ҳақда ЎзПФЛ расмий сайти хабар тарқатди.

Аввалдан айтилганидек, қуръа маросимида гуруҳ ғолиблари алоҳида саватда бўлади ва улар 1/8 финалда бир-бири билан, шунингдек, АГМК ва “Пахтакор” клублари билан тўқнаш келмайди. Бир ўйиндан иборат учрашувларга ким мезбонлик қилиши қуръа ёрдамида аниқлаб олинади. 

Ўзбекистон кубогининг финал учрашувига Самарқанд шаҳри мезбонлик қилиши сизга маълум. Учрашувлар ўтадиган саналар Ўзбекистон миллий термасининг кейинги режаларидан келиб чиққан ҳолда шакллантирилган тақвим асосида кейинроқ маълум қилинади.