Ўзбекистон Лига кубоги. "Пахтакор" дастлабки финалчи

"Қўқон-1912" финал йўлида Тошкентнинг "Пахтакор" жамоасига қарши баҳс олиб борди ва 2:4 ҳисобида имкониятни бой берди. Драган Черан, Одил Ҳамробеков, Игорь Сергеев ва Достонбек Ҳамдамовлар томонидан киритилган голларга мезбонлар сафида Суҳроб Бердиев ва Шахбоз Эркиновлар жавоб қайтара олишди холос.

Шу тариқа, Шота Арвеладзе шогирдлари тарихда илк марта ўтказилёатган Ўзбекистон Лига кубоги финал йўлланмасини қўлга киритишди. Иккинчи финалчи эса бироздан сўнг бошланадиган АГМК - "Динамо" баҳсидан сўнг аниқланади.