Ўзбекистон Осиё чемпионати мезбонлигини олиш учун ОФКга ариза топширди

Ўзбекистон 2022 йилги Аёллар ўртасидаги Осиё чемпионати мезбонлиги учун Осиё футбол конфедерациясига ариза юборди.

Айтиш керакки, ушбу мусобақа мезбонлиги учун шунингдек Ҳиндистон ва Хитой Тайпейи мамлакатлари ҳам даъвогарлик қилишмоқда. Аммо, Ҳиндистон 1980 йил ҳам ушбу мусобақани ўзида қабул қилган. Хитой Тайпейи эса 1997-2001 йилларда ҳам Аёллар ўртасидаги Осиё чемпионатига мезбонлик қилган. Шу боисдан бизнинг бу борадаги имкониятларимиз нисбатан юқорироқ баҳоланяпти.

ОФК мезбон мамлакат номини келгуси йилнинг иккинчи ярмида маълум қилади.