Ўзбекистонга қарши саф тортадиган Уругвай нимаси билан кучли?

Келаси йил ёзда бирданига уч мамлакат – АҚШ, Канада ва Мексика биргаликда мезбонлик қиладиган навбадаги жаҳон чемпионатига йўлланма олган Ўзбекистон ва Уругвай терма жамоалари 13 октябрь куни Малайзияда ўзаро ўртоқлик учрашувини ўтказади.

Ўзбекистон миллий терма жамоаси мундиалда иштирок этиш ҳуқуқини илк бор қўлги киритди. Уругвай терма жамоаси эса, жаҳон чемпионатида катта тажриба тўплаган ва икки маротаба футбол оламининг энг нуфузли мусобақасида ғолиб чиққани билан машҳур.

Sports.uz  портали бўлажак учрашув олдидан Уругвай миллий терма жамоаси ҳақида қизиқарли маълумотларни ўқувчилар эътиборига ҳавола қилади.

Уругвай тўртта учрашувдан бери мағлуб бўлмаяпти

Уругвай миллий терма жамоаси охирги тўртта учрашувда битта дуранг ва учта ғалаба қайд этди. Бу жамоа бундан аввал 12 та учрашувдан фақат биттасида ўйиннинг асосий вақтида ғалаба қозона олганини инобатга олсак, охирги тўртта баҳсдаги натижалар катта ўсишдан далолат беради.

Уругвай жаҳон чемпионати саралаш турнирининг охирги учта учрашувида тўққиз имкониятдан етти очко жамғариб, мундиал йўлланмасини нақд қилди. Ягона дуранг охирги турда расмиятчилик учун Чили майдонида ўтказилган ўйинда қайд этилди.

Октябрь ойидаги ФИФА кунлари доирасида уругвайликлар Доминикан Республикаси терма жамоаси билан ўртоқлик учрашуви ўтказиб, минимал ҳисобда зафар қучди.

Марсело Бьелса юлдузларни безовта қилмади

Уругвай терма жамоаси бош мураббийи Марсело Бьелса бу галги йиғинга Европанинг топ-клубларида ўйнаётган бир неча футболчилар, хусусан, “Реал”дан Федерико Вальверде, “Барселона”дан Рональд Араухо ва ёзда “Ливерпуль”дан “Ал-Ҳилол”га кўчиб ўтган Дарвин Нуньесни чақирмади.

Терма жамоа жаҳон чемпионати йўлланмасини қўлга киритганидан кейин мураббийлар штаби бу ўйинчиларга қўшимча ҳордиқ чиқариши учун шароит яратиб беришга қарор қилди.

Бироқ йиғинга таклиф этилган орасида Сантьяго Буэно, Сантьяго Моуриньо, Николас Маричал, Родриго Саласар ва дарвозабон Франко Исраэл каби номдор ўйинчилар бор.

Уругвай ҳимояда мустаҳкам

Уругвай терма жамоаси охирги марта июнь ойида Парагвай билан сафарда ўтказилган баҳсда ўз дарвозасидан тўп олиб чиққан. Ундан кейин қаторасига тўртта учрашувдан иборат қуруқ серия давом этмоқда. Бу 2022 йили терма жамоа бешта ўйинда гол ўтказмаган даврдан бери энг яхши натижа.

Ана шу тўртта учрашувдан учтасида ҳужумчилар ўзини кўрсатгани эътиборга молик. Аммо ҳозирги Уругвай терма жамоаси нейтрал ёки рақиб майдонида бўладиган ўйинларда биттадан кўп гол уришга қийналаётгани энг катта камчиликлардан ҳисобланади.

Бўлажак жаҳон чемпионати иштирокчилари ҳисобланган Ўзбекистон ва Уругвай ўртасидаги ўртоқлик ўйини 13 октябоь куни Малайзияда Тошкент вақти билан 17:45 да бошланади.

Ҳусанов, рақобатчинг чарчади!

“Манчестер Сити”нинг Ҳусанов бўйича якуний қарори маълум бўлди

Ҳусанов машҳур футболчининг мундиалга йўлини тўсиб қўйди