Ўзбекистонлик футболчилар Тожикистон Кубогини қўлга киритдилар

Бугун Тожикистон кубоги финали ўтказилди. Унда “Истиқлол” ҳамда “Хўжанд” жамоалари куч синашишди.

Ўйиннинг асосий вақтида ҳисоб очилмади. Қўшимча бўлимларда “Хўжанд” клуби иккита гол урди. 108-дақиқада Ҳожибой Зиёев, 117-дақиқада эса Артём Сердюк томонидан киритилган голлар эвазига “Хўжанд” “Истиқлол”ни 2:0 ҳисобида мағлубиятга учратди.

Хўжандликлар сафида уч нафар ўзбекистонлик футболчилар – Фирдавс Абдусалимов, Олимжон Каримов ва Самандар Очилов тўп суряпти. Финалда легионерларимиз майдонга тушишди ва “Хўжанд”нинг ғалабасига ўз ҳиссаларини қўшди.

Эслатиб ўтамиз, “Хўжанд” клуби 1997\1998, 2002, 2008 ва 2017 йилларда ҳам Тожикистон кубогини қўлга киритган.