Ўзбекистонлик спортчилар Ханчжоу-2022да нечта медаль жамғаришди?

Хитойда бўлиб ўтаётган XIX ёзги Осиё ўйинлари Ўзбекистон спорт делегацияси учун якунланди.

Унда терма жамоамиз 71 та медаль жамғарди. Шулардан 22 таси олтин, 18 та кумуш ва 31 та бронза медали.

Медаллар жамғариш бўйича терма жамоамиз Хитой, Япония, Жанубий Корея ва Ҳиндистондан сўнг ҳозирча, 5-ўринда бормоқда. Бу орқали Ўзбекистон делегацияси учун медаллар сони ва сифати бўйича Осиё ўйинлари тарихидаги энг яхши натижасини қайд этди.

Шу пайтгача Ўзбекистоннинг Осиё ўйинларида қайд этган энг яхши натижаси 2018 йили Индонезияда ўтказилган мусобақада қўлга киритилганди. Ўшанда делегациямиз 20 та олтин, 24 та кумуш ва 25 та бронза, жами 69 та медалга сазовор бўлган.