Ўзимни ҳеч қачон Месси ёки Роналдудан зўр ҳисобламаганман

“Барселона” афсоналаридан бири Хави Эрнандес клуб ютуқларига муносиб ҳисса қўшганига қарамай, футболчиларнинг энг нуфузли индивидуал соврини “Олтин тўп”ни қўлга кирита олмаган.

Айни пайтда ишсиз юрган мутахассис бу борада ўз фикрини билдирди.

- Мен ҳеч қачон ва ҳар қандай вазиятда ҳам ўзимни Лионель Месси ва Криштиану Роналдудан кучли ўйинчи, деб ҳисобламаганман. Мен ўйинни ташкил қиладиган футболчи бўлганман ва бир ўзим учрашувлар тақдирини ҳал қилиш имконига эга бўлмадим.

Мен “Олтин тўп” сўровномасида уч маротаба учинчи  ўринни эгаллаганимдан фахраланаман, - деди Хави Эрнандес.

Эслатиб ўтамиз, “Олтин тўп” совринини Лионель Месси саккиз маротаба қўлга киритган ва бу борада яққол рекордчи ҳисобланади. Криштиану Роналду нуфузли совринга беш бор эга чиққан.