Палмер: "Ямал ҳозир энг зўр футболчи"

"Челси" етакчиси Коул Палмер ҳозирги кундаги энг кучли футболчи кимлигини айтди. Англиялик футболчининг фикрича "Барселона" вингери Ламин Ямал ҳозирда жаҳон футболида энг зўр чарм тўп устаси.

"Ростини айтсам мен унинг ўйинидан ҳайратдаман. Менимча, Ямал ҳозирда жаҳоннинг энг зўр футболчиси. Унинг ўйинига қараб шуни айтиш мумкинки, у ўзига ишонган ва ҳеч нарсадан қўрқмайди. Менга Ламиннинг ўйинларини кузатиш ёқади", - деди лондонликлар ярим ҳимоячиси.

Жорий мавсум "Барса" сафида Ямал барча турнирларда 53 та ўйинда майдонга тушиб, 17 та гол урган ва 25 та голли узатма амалга оширган.