Парагвай дарвозабони Франциядан мағлубият сабабини айтди

Парагвай терма жамоаси дарвозабони Орландо Хиль жаҳон чемпионатининг 1/8 финалида Францияга қарши беллашувдан кейин жамоа мағлубияти ҳақида фикр билдирди. Филадельфия шаҳрида (АҚШ) ўтган ўйинда французлар 1:0 ҳисобида ғалаба қозонди.

- Биз французлар таркибида ўйин тақдирини яккама-якка ҳаракатлар билан ҳал қила оладиган тезкор футболчилар борлигини яхши билардик. Уйиндаги барча нарса майда деталларга боғлиқ бўлди, энг асосий бурилиш эса биз томонга белгиланган пенальти бўлди. Турнирни бошимиз баланд ҳолда тарк этяпмиз. Футболчилар майдонда бор кучини берди, — дея Хилнинг сўзларини ФИФАнинг расмий сайти келтиради.

Учрашувдаги ягона голни ҳужумчи Килиан Мбаппе пенальтини аниқ амалга ошириб урди. Орландо Хиль ўйиннинг энг яхши футболчиси, деб топилди. Франция терма жамоаси мундиал чорак финалига йўл олди ва у ерда Марокко жамоасига қарши майдонга тушади.