"Пахтакор" - "Насаф": Матнли трансляция

Ассалому алайкум, қадрли футбол ихлосмандлари! Ўзбекистон Суперлигаси 14-туридан ўрин олган "Пахтакор" ва "Насаф" жамоалари ўртасидаги марказий учрашувга хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 90+5'
  

  Учрашув якунланди. "Пахтакор" иккинчи даврада ҳам "Насаф"ни мағлуб этди.

• 90+5'

  "Аждарлар" учун сўнгги вазиятни Бозоров кўкка совурди.

• 90+4'
  

  Достон Ҳамдамовнинг голи офсайд туфайли инобатга олинмади.

• 90+3'
  

  Темировнинг супер зарбасидан кейин Эргашев супер сейв ижро этди.

• 90+1'

  Турғунбоевнинг жарима майдони ичидан берган зарбаси ноаниқ кетди.

• 90'
  

  Иккинчи бўлимга 4 дақиқа қўшиб берилди.

• 90'

  Ҳамдамов спринтерлик пойгасида Станоевичга мағлуб бўлди ва тўпни йўқотди.

• 89'
  

  Калуденовичнинг яқин масофадан берган зарбаси тўсин юқорисидан ўтиб кетди. Ҳакам бурчак зарбаси берди.

• 88'

  "Насаф"нинг хавфли тус олаётган ҳужуми Давроновнинг ноаниқ узатмаси туфайли барбод бўлди.

• 86'
  

  "Пахтакор"да Темиров Боян Матич ўрнига ўйинга қўшилди.

• 85'
  

  Комилов ва Давронов майдонга тушди. Улар Нуруллоев ҳамда Ғайбуллаевни алмаштирди.

• 84'
  

  Норчаев майдонда ётибди. Унга яқин турган Элдор Суюновнинг айтишича, Ҳусайиннинг боши ёрилган. Балки вазият у қадар жиддий эмасдир.

• 82'

  Ҳусайин Норчаевнинг уринишидан кейин Суюнов тўпни ушлаб олди.

• 80'

  Бу сафар анча аниқ зарба берган Черан устунни пойлади.

• 79'

  Драган Чераннинг жарима айдони ташқарисидан берган зарбаси ноаниқ кетди.

• 78'

  Калуденович жарима майдони ичида тўпни ўзидан узоқлаштириб юборди ва уни йўқотди.

• 76'
  

  Ғайбуллаев Ҳамробековга нисбатан анча жиддий қўполлик ишлатди. Ҳакам сариқ карточка кўрсатди.

• 74'
  

  Иккинчи қаватдаги тўп учун курашда Боян Матич ва Ҳусниддин Алиқулов ўзаро тўқнашиб кетди. Уларнинг ҳар иккисига тиббий ёрдам керак.

• 73'

  Азиз Турғунбоев бу сафар ҳам тўпга ўзи кутганчалик зарба йўллай олмади.

• 71'

  Калуденовичнинг узатмасидан кейин Норчаев тўпга ета олмади.

• 70'

  Турғунбоевнинг жарима майдони ичидан берган зарбасига аниқлик етишмади.

• 69'

  Ўйин анча асабий руҳда давом этмоқда.

• 67'
  

  Бердиев бир вақтнинг ўзида 3 ўзгариш амалга оширди: Маннонов, Раҳматов ҳамда Калудерович майдонга тушди. Улар ўрнига Нарзуллаев, Саитов ва Турдиалиев захирага олинди.

• 65'
  

  Оддий вазиятда Турғунбоев билан тўқнашиб кетган Бозоров жароҳат олди. Шифокорлар унинг ҳолатидан хабар олмоқжа.

• 64'
  

  Норчаевнинг бош билан йўллаган зарбаси бироз кучсиз чиқди. Суюнов ўз ўрнида.

• 63'

  "Насаф" ўз ўйинига қўшаётган бир пайтда, "Пахтакор"нинг баъзи футболчиларида ўзаро келишмовчилик юзага келмоқда.

• 62'

  Боян Матич бу сафар ўткир бурчакдан ноаниқ зарба берди.

• 62'
  

  Дарвозабоннинг узатмасидан кейин Матич офсайдда қолиб кетди.

• 61'

  Нарзуллаевнинг зарбасидан кейин тўп етарлича айланмади.

• 59'
  

  Турғунбоев бурчак тўпини тўғридан тўғри дарвозага йўллади. Эргашев тўпни муштлари билан узоқлаштирди.

• 57'

  Хюистра шогирдлари тўп назорати орқали рақиб шаштини пасайтиришга ҳаракат қилмоқда.

• 55'
  

  Станоевичнинг чап оёқда берган кучли зарбасини Суюнов қайтарди.

• 54'
  

  Холматов ҳамда Собирхўжаев ўрнига Ҳамдамов ва Аброр Исмоилов ўйинга қўшилди.

• 53'

  Қаршиликлар иккинчи таймда катта устунлик билан ўйинни давом эттирмоқда.

• 51'

  Рақиб жарима майдони яқинида Алиқулов йиқилиб тушди ва ҳакамларга жиддий эътироз билдирди. Рефери унга сариқ карточка кўрсатди.

• 49'

  Сухроб Нуруллоевнинг зарбасидан кейин тўп икки устунга тегиб майдонга қайтди. Омад келмаса ҳам қийин-да!

• 48'
  

  Азиз Турғунбоевга тиббий ёрдам керак.

• 47'

  Қулай позицияга чиқиб бораётган Саитовни Ҳамробеков усталик билан зарарсизлантирди.

• 46'
  

  Ҳакам қайтди ва иккинчи таймга старт берди!

• 46'

  Ҳакамлар иккинчи бўлимда ҳам бироз кечикмоқда. Кутамиз...

• 46'
  

  Бўлимлар оралиғида Хюистра ўзгариш амалга оширди: Владимир Козак Анзур Исмоилов ўрнига майдонга тушди.

• 46'

  Футболчилар майдонга қайтди. Навбат бизники!

• 45+2'
  

  Танаффус!

• 45+2'

  Ҳужумда тўпни олдириб қўйган Бозоров қоида бузди. Ҳакам ўйинни тўхтатди.

• 45+1'

  Холматовнинг узатмасидан кейин Матич қулай имкониятни қўлдан чиқарди.

• 45'
  

  Биринчи таймдаги тўхталишлар ўрнини қоплаш мақсадида 2 дақиқа қўшиб берилди.

• 43'

  Бўлим сўнгида томонлар темп қўшди ва кўпроқ олдинга ўтмоқда. Натижада, аксарият вазиятларда ҳимояда бўш зоналар юзага келяпти.

• 41'

  Бозоров - Норчаев комбинацияси Ҳусайннинг ноаниқ узатмаси туфайли охирига етмай қолди.

• 39'

  "Насаф"дан жуда хавфли қарши ҳужум, бироқ Норчаевнинг яқин масофадан берган зарбаси бироз ноаниқ кетди.

• 38'

  Бердиев шогирдларининг аксарият узатмалари ноаниқ кетмоқда.

• 36'
  

  Саитов билан жиддий тўқнашиб кетган Сайфиевга шифокорлар ёрдами керак. "Нола"сига қараганда, унинг ҳолати яхши эмас.

• 35'

  Жаримаа майдонига узоқ бўлган ҳудудда "Насаф" стандартга эга бўлди. Зарба бериши кутилган Станоевичнинг пасига Норчаев ета олмади.

• 34'

  Марконинг бу сафарги уринишидан кейин тўп анча юқоридан ўтиб кетди.

• 32'

  Станоевичнинг жарима майдони ташқарисидан йўллаган зарбасидан кейин тўп устун ёнгинасидан ўтиб кетди.

• 31'

  Нарзуллаев берган пасдан сўнг Алиқулов бўш қолган дарвозага тўпни йўллади. Кучсиз чиққан зарбани Аъзамов қайтарди.

• 29'

  Анзур Исмоилов корпус билан ўйнашда Норчаевга умуман имконият қолдирмади.

• 28'

  Жарима майдонига кира олмаётган меҳмонлар ўз омадини узоқ масофадан синаб кўрди. Алиқуловнинг зарбаси ноаниқ.

• 27'

  Бердиев шогирдлари эрта босим уюштириш эвазига рақибни саросимада қолдиришга ҳаракат қиляпти.

• 25'

  Тўпни олиб ўтган Бозоровни Алижонов йиқитди. "Насаф"да стандарт вазият.

• 23'
  

  Тўқнашувда жароҳат олган Матич ҳамда Нарзуллаевга тиббий ёрдам кўрсатилмоқда.

• 22'

  Ҳисобда олдинга ўтиб олган "шерлар" тўпни ўз ярим майдонида назорат қилмоқда.

• 20'
  

  ГОООООООООЛ! Учрашувда ҳисоб очилди!

  Чераннинг зарбасидан кейин тўсинга теккан тўпни Боян Матич бўш қолган дарвозага киритди.

• 19'

  Алижоновнинг узатмасидан кейин Турғунбоев тўпни шеригига қолдирди. Аммо Матич бу режага тайёр эмасди.

• 17'

  Қаршиликлар нисбатан тезроқ тўпни рақибга олдириб қўймоқда. Улар позицион ҳужум уюштирмаяпти. "Пахтакор"да бунинг акси.

• 16'

  Беллашув икки томоннинг фаол ҳаракатлари остида, шиддатли темпда давом этмоқда.

• 14'
  

  Пойтахтликлар бурчак тўпидан кейин хавфли вазият юзага келтирди. Ҳамробековнинг кучли зарбасидан кейин Ғайбуллаев тўп йўлига блок қўйишга муваффақ бўлди.

• 13'

  Ўз қанотидан ёриб кириб дарвозани нишонга олган Холматовнинг уринишидан кейин тўп ҳимоячилардан бирига тегди ва майдонни тарк этди. Бурчак зарбаси.

• 12'

  Сўнгги бир неча дақиқа "аждарлар" устунлиги остида кечмоқда. "Пахтакор" тартиб билан ҳимояланяпти.

• 10'

  ВАРдаги ҳакамлар зарбадан кейин тўп қўлга текканлиги эҳтимолини кўриб чиқди. Барчаси жойда. Ўйин давом эттирилади.

• 9'

  Станоевичнинг кучли зарбасидан кейин тўп жонли девордагилардан ўтмади.

• 8'

  Жарима майдони остонасида Исмоилов Норчаевга нисбатан қўполлик ишлатди. "Насаф"да жуда қулай имконият юзага келди.

• 8'

  Айни дақиқаларга келиб тўп назорати тошкентликлар томонда бўлиб турибди.

• 6'
  

  Бурчак зарбаси вақтида Ғайбуллаев рақиб жарима майдони ичида қоида бузди.

• 5'

  Ўнг қанотдан жарима майдонига оширилган тўпни Аъзамов узоқлаштирди.

• 4'
  

  Рақиби билан тўанқшиб кетган Нарзуллаевга тиббий ёрдам кўрсатилмоқда.

• 3'

  "Шерлар"нинг янги легионер ҳужумчиси Матич жамоадошлари узатмаларига ета олмаяпти. Бу ҳолат 3 бор такрорланиб улгурди.

• 1'

  Илк вазиятни номинал мезбонлар юзага келтирди. Алижоновнинг узатмасидан кейин ҳимоячилар тўпни қайтарди.

• 1'
  

  Ўйин бошланди!

• 0'

  Ҳакамнинг техник қурилмаларида носозлик юзага келганлиги туфайли старт бир неча сонияларга кечикмоқда.

• 0'

  Бугунги марказий баҳс иштирокчилари майдонга тушиб келди!

• 0'

  Футболчилар ўйин олдидан чигалёзди машғулотларини ўтади.