"Пахтакор" футболчиси легионерга айланди. Ҳамюртимиз Европага йўл олди (Фото)

"Пахтакор" клуби ярим ҳимоячиси Ҳумоюнмирзо Иминов фаолиятини Беларусда давом эттирадиган бўлди.

"Энергетик-БГУ" клуби ҳамюртимизни ўз сафига қўшиб олди. Бу ҳақда клуб матбуот хизмати хабар берди. Иминов бир йил ижара асосида тўп тепади.

Йил бошида ўзбекистонлик икки нафар футболчи Жасурбек Яхшибоев ва Шаҳбоз Умаров Беларусь чемпионатига кўчиб ўтганди. Айни пайтда Яхшибоев "Шахтёр"да ўйнаётган бўлса, Умаров "Энергетик-БГУ"да тўп тепмоқда. Умаров ҳам БАТЭ клуби билан шартнома тузиб қўйган.