"Пахтакор" ҳакамларнинг хатоси эвазига қийин ғалабани қўлга киритди

Ўзбекистон Суперлигаси 4-туридан ўрин олган "Пахтакор" - "Металлург" учрашуви ўз якунига етди. Унда майдон эгалари 2:1 ҳисобида ғалаба қозонди.

Дастлаб, Эрен Дердийок 23-дақиқада ҳисобни очди. 100 фоизлик офсайдда турган Рашидовдан тўпни қабул қилиб олган ҳужумчи бирга-бир вазиятдан унумли фойдаланди. Жарима зарбасидан гол урган Шароф Муҳитдинов ҳисобдаги фарқни оширди. Бекободликлар сафида бу аниқ зарбаларга Зоҳид Абдуллаев биргина гол билан жавоб қайтаришни уддалади.

Шу тариқа, кетма-кет 4-ўйинда ғалаба қозонган "шерлар" пешқадамликни қўлга олди.

• 90+6'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  Дарвозабонни алдаб ўтган Черан йиқилиб тушди. Ҳакам уни симульяция учун огоҳлантирди.

• 90+2'

  Сўнгги дақиқаларда ҳар икки клуб вакиллари фаол ўйин кўрсатмоқда. Ҳар нарса бўлиши мумкин.

• 90'
  

  Ўйиннинг асосий вақтига 5 дақиқа қўшиб берилди.

• 88'
  

  "Пахтакор" футболчиси Турғунбоевга тиббий ёрдам кўрсатилмоқда.

• 86'
  

  Ихтиёр Тошпўлатов ўз ўрнини Евгений Макеевга бўшатиб берди.

• 84'

  Чераннинг жарима майдони ичидан йўллаган зарбаси устун ёнгинасидан ўтиб кетди.

• 83'
  

  "Металлург"да Темиров ўрнига Раҳматуллаев туширилди.

• 83'

  "Пахтакор" ҳисобни ишончли кўринишга келтириш учун ҳаракат қилмоқда. 

• 81'
  

  Қанотдан етказиб берилган тўпга Драган Черан аниқ зарба берди. Дарвозабон ўз ўрнида.

• 80'

  Иван Нагаев зарба берди, бироз ноаниқ.

• 78'
  

  "Металлург"да Абдуллаев ўрнига Нагаев туширилди.

• 76'
  

  Ҳакамга жиддий эътироз билдирган "Пахтакор" бош мураббийи Хюистра огоҳлантирилди.

• 75'

  Ўйин асабий руҳда давом этмоқда

• 73'

  Ўйин Абдураимов шогирдларининг устунлиги остида давом этмоқда

• 71'
  

  Дердийок ўрнига Анзур Исмоилов майдонга тушди.

• 70'
  

  Абдумажидовга шифокорлар тиббий ёрдам кўрсатмоқда.

• 68'
  

  Одил Абдумажидовнинг зарбаси тўпга эмас Қувватовга тегиши мумкин эди. Аммо ундай бўлмади. Егор Кримец эса Одилни қўли билан урди. Ҳакам унга қизил карточка кўрсатди.

• 66'
  

  Чераннинг жарима майдони ичидан йўллаган аниқ зарбасидан кейин Лобанов ажойиб сейв амалга оширди.

• 65'

  Бекободликлар жарима майдони яқинида стандарт вазиятни қўлга киритди.

• 64'

  Ҳозиргина майдонга тушган Иброҳимҳалил Йўлдошев рақибини усталик билан зарарсизлантирди.

• 62'

  "Шерлар" катта устунлик билан ўйинни давом эттирмоқда.

• 60'

  Алижоновнинг узатмасидан кейин тўп Дердийокка қадар бормади. Ҳимоячилар яхши ҳаракат қилди

• 58'
  

  Рашидовнинг ўткир бурчакдан йўллаган зарбасини дарвозабон қайтарди.

• 56'
  

  Биринчи бўлиб Хюистра юриш амалга оширди: Муҳитдинов ва Сайфиев ўрнига Исмоилов ҳамда Йўлдошев майдонга тушди.

• 54'
  

  Саламат Қутибоевга сариқ карточка кўрсатилди.

• 53'
  

  Жарима майдони ташқарисидан берилган зарбани бу сафар Лобанов қайтарди

• 52'
  

  Қувватовдан дабл сейв! Жарима майдони ичидан йўлланган икки зарбани "Пахтакор" дарвозабони қайтарди.

• 51'

  Чераннинг зарбасидан кейин тўп тўсинга тегди.

• 50'

  Дарвозабон билан бирга-бир вазиятга чиқиб борган Дердийок зарба беришга кечикди. Ортдан етиб келган Тошпўлатов тўпга тепишни уддалади.

• 48'

  Жарима майдони ичида "Металлур" футболчиси йиқилиб тушди. Ҳакам ўйинни давом эттиришга рухсат берди

• 46'
  

  Иккинчи тайм бошланди!

• 46'

  Футболчилар майдонг қайтди. Биз ҳам қайтамиз!

• 45+4'
  

  Танаффус!

• 45+3'
  

  ГОООООООООООООООООООООООООООООООЛ! Бекободликлар ҳисобдаги фарқни қисқартирди!

  Дарвозабон билан бирга-бир вазиятга чиқиб борган Зоҳид Абдуллаевнинг биринчи уринишини Қувватов қайтарди, кейинги зарба ҳисоб қисқаришига сабаб бўлди.

• 45+2'

  Тошқўзиев жарима майдони ичидан зарба йўллай олмади.

• 45'
  

  Биринчи таймга 3 дақиқа қўшиб берилди.

• 45'

  Дердийокнинг кучли зарбасидан кейин тўп жонли девордан ўтмади.

• 44'

  Жарима майдони яқинида Черан йиқитилди. Бироз аввал шу нуқтадан Муҳиддинов гол урган эди.

• 42'

  Абдураимов шогирдлари босим уюштириб, рақибни хато қилишга мажбур қилмоқда.

• 40'

  "Металлург" футболчилари бурчак зарбасидан кейин хавфли вазиятни қўлга киритди. Аммо зарба йўллаш имконияти бўлмади.

• 38'
  

  Темировнинг узоқ масофадан йўллаган зарбасини Қувватов катта қийинчилик билан қайтарди.

• 36'
  

  ГОООООООООООООООООООООООООООООООООЛ! "Пахтакор" ҳисобдаги фарқни оширди!

  Шароф Муҳиддиновнинг узоқ масофадан йўллаган зарбасини Лобанов қайтара олмади

• 36'

  "Шерлар" жарима майдонига яқин ҳудудда стандарт вазиятни қўлга киритди.

• 34'

  Тўп назорати бекободликлар томонда бўлиб турибди. 

• 32'

  Қутибоев жарима майдони ташқарисидан йўллаган зарбаси йўналишини дарвоза томон буриб юбормоқчи эди. Бироқ тўп у кутган йўналишга бормади.

• 30'
  

  Рақибига нисбатан қўполлик ишлатган Зоҳид Абдуллаев огоҳлантирилди.

• 28'
  

  Турғунбоевга нисбатан қоида бузган Тожиевга сариқ карточка кўрсатилди.

• 26'

  Бекободликлар агрессив футбол намойиш эта бошлади

• 24'
  

  Ўз ҳақини талаб қилган Лобанов жазоланди. Дердийокни тўп билан таъминлаган Рашидов офсайдда эди. Ҳакам буни кўрмади ҳамда вазиятни кўриб, эътироз билдирган Лобановга сариқ карточка кўрсатди. Афсус, бу ўйинда ВАР ишламаяпти.

• 23'
  

  ГООООООООООООООООООООООООООООООЛ! Учрашувда ҳисоб очилди!

  Дарвозабон билан бирга-бир вазиятга чиқиб борган Дердийок дарвозани ишғол этди.

• 22'

  Абдураимов шогирдлари ҳам ўйинга фаоллик қўшди. Энди ҳужумлар фақат бир дарвоза қаршисида юзага келмаяпти.

• 20'
  

  Рақиби билан тўқнашиб кетган Дердийокка тиббий ёрдам кўрсатилмоқда.

• 18'

  Қутибоевнинг бош билан йўллаган зарбаси кучсиз чиқди.

• 16'

  Бекободликлар бурчакдан тўпни ўйинга киритиш имкониятини қўлга киритди.

• 14'

  "Пахтакор" футболчиси йўллаган зарбани Лобанов ушлаб олди

• 12'

  Эрен Дердийокнинг жарима майдони ичидан йўллаган зарбасига аниқлик етишмади.

• 10'

  Ўйин "Пахтакор"нинг катта устунлиги остида давом этмоқда.

• 8'

  Қанотдан оширилган тўпга Черан аниқ зарба бера олмади. Яхши имконият қўлдан кетди

• 7'

  Майдон эгалари қанотларни алмаштириб, олдинга ўтмоқда

• 5'

  Қутибоевнинг зарбасидан кейин дарвозабон тўпни узоқлаштирди.

• 4'

  Хюистра шогирдлари тўпни назорат қиляпти.

• 2'

  Кутилганидек, мезбонлар дастлабки дақиқалардан фаоллик намойиш этмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!