"Пахтакор" ниманинг эвазига "Насаф"ни мағлубиятга учратди? - Тошкентликлар мураббийидан жавоб

"Пахтакор" - "Насаф" ўртасидаги Суперкубок баҳсидан (1:0) сўнг ташкил этилган матбуот анжуманининг иккинчи қисмида тошкентликлар устози Славче Войнески иштирок этди.

- Футболчиларимни табриклайман. Улар майдонда борларини беришди, имкон борича яхши ўйнашга интилишди. Яхши шаклланган жамоага қарши ўйнадик. Биринчи бўлимда баъзи хатолар юзага келди, тўп узатишларда камчиликлар кузатилди. Танаффусда буни тузатиш устида гаплашдик. Иккинчи бўлимда эса ўйинни назорат қилдик. Устунлигимиз фойда берди. Суперкубок бизга қўшимча масъулият юклайди. Мавсум якунида ҳам совринларни қўлга киритган ҳолда учрашишни истайман.

Суюновнинг эски жароҳати безовта қилди. Тўлиқроқ маълумотни кейинроқ билиб оламиз.

photo_2022-02-26_18-46-24

Барча футболчида имконият бўлади. Қандай ўйнашимиз турли ҳолатларга боғлиқ. Алдамчи тўққизлик ёки бошқа вазифалар юкланган ҳолда футболчиларни майдонга туширишим мумкин. Улар турли ҳолатларга тайёр туриши керак.

Ҳужумкор футбол ўйнаймиз. Лекин бу дегани тўпни олдиндаги ўйинчига тепиш дегани эмас. Тўпни назорат қилиш, ҳимояланиш, зарур пайтда ўзгаришлар қилиш ҳам бунинг жиҳатлари. Биз ҳужумкор футбол намойиш этишга уринамиз, - деди Славче Войнески.

Фикрлар

Саралаш
Фикр қолдириш учун авторизациядан ўтинг!
&
Аббосхон Ахмедов
27/02/2022 21:05
Мен насафга мухлислик килиб келганман факкат Навбахор билан уйнасагина Навбахорга мухлислик киламан. Насаф яхши зор каманда хали хаммаси олдинда. Пахтакорга омад клуб бокти. Балки Тренернинг кулидур уйини уз кулига олиб хужумчизиги яхши ишлади. 4 турни жуда кизикиб кутябмиз дахшат уйин курамиз ошанда.
Жавоб ёзиш
. мансур
27/02/2022 20:30
Ғалабага энг катта ҳиссани Аъзамов қўшди, у ўйнаганида ютқазиб қўйишимиз ҳеч гап эмасди, Сайфиев ва Қувватовдан ҳам ҳар галгидек ажойиб "қовун" бўлди, хайриятки ўзлари тузатишди ҳатосини, мана шулар кетса Пахтакор анча сифатли жамоага айланади
Жавоб ёзиш