"Пахтакор" янги трансферни эълон қилди

"Пахтакор" академияси тарбияланувчиси саналган Жасур Ёқубов "шерлар" билан шартнома имзолади. Бу ҳақда клуб матбуот хизмати хабар тарқатди.

Томонлар икки йиллик келишувга имзо чеккан. 23 ёшли ҳимоячи Суперлигада ҳозиргача 23 учрашувда майдонга тушиб, 1 гол муаллифига айланган.

Аввалги мавсумни Жасур "Сурхон" сафида ўтказган. У эркин агент сифатида Тошкент клубига келиб қўшилди.