"Пахтакор"даги легионерлар сони яна биттага кўпайди (фото)

Камен Хаджиев "Пахтакор" билан шартнома имзолади. 30 ёшли болгариялик ҳимоячи жамоа билан 1+1 кўринишида шартномага имзо чекди.

"Шерлар"нинг Туркиядаги йиғинига бориб қўшилган Хаджиев тиббий текширувдан муваффақиятли ўтди ва эркин агент сифатида "Пахтакор" футболчисига айланди. У фаолияти давомида Болгариянинг "Родопа", "Пирин", "Минёр", "Локомотив" ва "Берое", Германиянинг "Олбендург", Нидерландиянинг "Фортуна" ва Венгриянинг "Пушкаш Академия" клубларида ўйнаган.

Профессионал фаолияти мобайнида клубларда 258 ўйинда 11 гол муаллифига айланган. Охирги жамоаси "Берое"да мазкур мавсумда 14 учрашувда майдонга тушган. Болгария миллий терма жамоасига 2019 йил жалб этилган.

"Пахтакор" клуби матбуот хизмати