"Пахтакор"га қарши финал олдидан АГМК таркибида йўқотишлар бор

Эртага Наманганда АГМК - "Пахтакор" ўртасидаги Ўзбекистон кубоги финал баҳси бўлиб ўтади. Бу икки жамоа бош мураббийлари ўртасида матбуот анжумани ўтказилди. Унда олмалиқликлар устози Миржалол Қосимов бир нечта футболчи жароҳат олганини айтди.

Миржалол Қосимовнинг билдиришича, Санжар Турсунов майдонга туша олмайди. Бобур Йўлдошев, Миржамол Қосимов ва Муроджон Тошматовда кичик жароҳат бор. Жароҳатланган бир-икки футболчи финалда ўйнай олмайди.

АГМК - "Пахтакор" иштирокидаги Ўзбекистон кубоги финали 15:00да старт олади.