"Пахтакор"га қарши ўйин олдидан "Истиқлол" мураббийи: Уларга қарши баҳсда натижага эришиш учун бундан фойдаланамиз

Яна бир неча соатдан сўнг, Қатар пойтахти Доҳа шаҳрида Осиё Чемпионлар лигаси нимчорак финалидан ўрин олган "Пахтакор" - "Истиқлол" учрашуви старт олади. Беллашувдан аввал, эронликлар устози Мажид Мотлақ ўз фикрларини билдириб ўтди. Бу ҳақда ОФК расмий сайти хабар берди.

- Бизни "Пахтакор" қарши муҳим ўйин кутмоқда. Ҳар уч кунда ўйин ўтказиш қийин. Лекин биз рақибга қараганда кўпроқ дам олдик.

Бугун янги босқич бошланади ва у бошқача бўлиши даркор. Бир нечта жароҳатланган футболчиларимиз. Биз ўйинчиларни руҳий ва жисмоний тарафлама тайёрлашимиз керак. "Пахтакор"нинг ўйинларини таҳлил қилдик ва уларга қарши баҳсда натижага эришиш учун бундан фойдаланамиз, - деди Мажид Мотлақ.

Ўйин Тошкент вақти билан 22:45да бошланади.

"Пахтакор"нинг "Истиқлол"га қарши ўйинларида қандай натижалар кузатилган? Эрон клуби сафида 2 нафар легионер мавжуд