Ўзбекистон миллий терма жамоаси ва "Локомотив" клуби шифокори Аброр Пирриев телеграмдаги саҳифасида "темирйўлчилар" сафига қайси клублардан футболчилар келаётганини маълум қилди.

- Йиғинни ҳам бошлай, деб турибмиз. Янги бош мураббий ҳам етиб келди. Энди тиббий кўрик (сўнгра табиий кўрик).

Қай футболчининг қайси жамоа билан шартнома тузганини билмадиму, ўтган мавсум "Пахтакор" таркибида бўлган икки ва "Бунёдкор"да фаолият юритган уч тўптепар биз билан мавсум олди тиббий кўрикдан ўтишга ҳозирлангани бор гап.

Қай жамоа томон йўл олишмасин, барча футболчилар унумли йиғин ўтаб, соғ-саломат чемпионат бошланишига етиб олишларига тилакдошман. Барчамизга омад!, - дея ёзиб қолдирди Аброр Пирриев. Аммо клуб вакили айнан қайси футболчилар эканини очиқламаган.

Бир неча кун аввал, "Пахтакор" Жавоҳир Сидиқов ва Садриддин Абуллаевнинг шартномаси якунига етгани сабабли, жамоани тарк этганини маълум қилганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)